Ambo pikia caro nan tarancak baraja baso Minang iyolah dangan mandanga, maliek jo manulih baso ko. Ambo indak tahu caro urang lain, tapi buek ambo ko nan tarancak jo paliang manaraik tautamo buek urang nan baraja surang-surang. Maklum ajo, di Malaysia ko indak sanang mancari urang untuak bakecek Minang.
Iyo, walaupun ambo urang Melayu jo baso Melayu jo Minang agak samo, indak sanang buek saurang tu baraja baso Minang sabauk panggunoan baso tu masiang-masiang ado caronyo sandiri. Misalnyo, baso Melayu banyaik manggunoan imbuhan, jo babarapo kato baso Melayu nan piawai atau baku indak tadapek pado baso Minang.
Mandanga
Ambo banyaik mandanga kecek Minang. Ko indak payah dalam jaman Internet kini. Ambo acok mandanga radio Internet baso Minang (Radio Cimbuak). Jikok sanak mau baraja baso Minang (atau anyo mandanga lagu) radio ko marupoan sumber rancak. Lai, Youtube juo mambantu ambo dangan video pituah, randai jo lagu-lagu Minang. Dangan caro ko, ambo bukan sajo dapek baraja irama atau alun kecek Minang jo vokabulari, tapi juo cara kato-kato Minang tu disabuik.
Lai, di rantau ambo ko, kadang-kadang dipangaruih dek baso Nagari Sambilan (didabuik siko, Nogoghi Sambilan) nan io bana barasa dari baso Minang tulen tapi lah taubah seketek lapeh baabaik tapisah dari ranah Minang di Sumatera.
Mancaliak
Kaduo, ambo acok bana maliek (mambaco) bahan-bahan Minang nan tatulih sarupo artikel-artikel di Wikipedia baso Minang tapak-tapak sarato majalah-majalah baso Minang di Internet.
Mambaco (jo manyuntiang jikok ado maso jo confidence) laman Wikipedia rancak bana sabauk inyo manganduangi banyak artikel-artikel rancak dari sagi baso. Lai, inyo parcumo; bak kato parinth Yayasan Perisian Bebas (Free Software Foundation) Richard Stallman, inyo bebas jo parcuma "sarupo kecek bebas, bukan bier gratis".
Manulih
Katigo, ambo cubo manulih dalam baso Minang. Mulo-mulo ambo cubo tulih frasa-fraso nan mudah atau sanang bana sarupo: 'namo ambo sipolan bin sipolan', 'ambo bamukim di Malaysia', 'ambo suko makan sate jo minum kopi', 'ambo suko bana tidua', jo sabagainyo.
Asia
Lamo-lamo, ambo dapek manulih dangan lanca jo rancak, tanpa paralu salalu maliek kamuih lai. Namun, ambo raso baso Minang ambo adolah "bahaso buku", bukan baso basah (baso kolokial) nan ditutua dek urang Minang. Payah untuak dapek baso Minang kolokial di siko sabauk sarupo ambo kato, di Malaysia ko indak rami panutua baso Minang.
Lai, ambo raso baso Minang ambo masiah manganduangi banyaik "Malaysia-cism" (sarupo ayaik ko) kareno alah tantu pangaruih baso Melayu, baso nan ampia bana jo baso Minang, marasok masuak sabauk lah manjadi biaso bilo awak bapikia dalam baso Melayu.
Ambo ado cubo mambuek tajamahan carito dari baso Inggirih ka baso Minang; suko-suko sajo, sabagai latiahan buek baso Minang ambo.
Caliak di sabalah ateh tapak ko jo klik sajo pautan untuak mambaco tajamahan carito. Salamaik mambaco.