Pado Sherlock Holmes baliau adolah 'padusi tu'. Inyo indak panah bakecek tantangnyo salain dari manggunoan panggilan tu. Di matonyo, padusi tu maatehi padusi nan lain. Baa jan picayo nan baliau mampunyoi raso cinto, bia sayang ka Irene Adler. Kasadonyo raso ati, jo nan tu tautamonyo, balawanan dangan sipaik Holmes nan dingin, taratua jo baimbang bana.

Holmes surang nan sarupo masin iduik nan paliang rancak nan dapek disuo di dunia, tapi inyo indak sasuai sabagai surang kakasiah. Inyo indak panah bakecek tantang raso gairah nan lambuik malainkan dangan maejek jo manyindia. Sadonyo rancak buek surang nan manaliti jo maliek -- rancak bana untuak mambuko tabia dari niek jo tindak-tanduak manusia. Tapi, surang panaliti nan talatiah nan mambiaan pakaro-pakaro tu masuak ka dalam sipaiknyo nan aluih jo bakilau-kilau bamakasuik inyo ka manuruah sak wasangko dalam asia buah pikirannyo.

Gangguan dek abu dalam pakakeh nan sensitif bana, jo ratak di kaco kuaso tingginyo indak samo jo gangguan dek parasaan emosi kuaik ka sipaik saruponyo. Namun, ado anyo surang padusi bueknyo, jo padusi tu adolah Irene Adler, nan parangainyo buliah dipasaoalan, nan alah maningga.

Ambo lah lamo indak basuo dangan Holmes wakatu balakang ko. Panikahan ambo manyabaukan kami bapisah. Kabiagiaan ambo jo minaik ambo tahadap rumah tanggo ambo nan tabik bilo surang tu manikah, maambiak sadonyo pahatian ambo, samantaro Holmes, nan indak suko bacampua dangan urang, bamasarakaik, jo sadonyo jiwo Bohemianyo, tingga di Baker Street, dikuliliangi dek buku-buku lamonyo, jo baulang alek minggu ka minggu, antaro kokain jo cito-cito, raso kantuak dek ubek tu, jo dayo kuaik sipaiknyo.